Joel 2:30-32 Advent III

BAHAN SERMON

Minggu           : Advent III (Minggu Memema-Mema)                  Jamita : Joel 2:30-32

Tanggal          : 15 Desember 2019                                                   Epistel : Mateus 24:3-8

Perkiroh Yesus Pedua Kaliken 

Perkiroh Jesus pedua kaliken oda ngo merupaken suatu misteri mendahiken kita kalak Kristen, karena sinderrang madeng roh Jesus mi dunia en nggo kin ngo i bagahken kade ndia si na lako terjadi.  Harus kita bttoh ngo perbedaan antara  perkiroh Jesus i imo mendahi kalak si perdosa dekket mendahi kalak si percaya. Karena perkiroh Jesus mendahi kalak siperdosa bage sini dokkn ibas Alkitab sendiri imo bage penangko siroh i berngin, si oda kita bettoh janah oda boi kita duga. Tapi bagima sebalikna mlla kalak sipercaya, Alkitab mendokkn  “Yesus datang sebagai mempelai Pria yang menjemput mempelai wanita.” Artina isada pihak imo kalak si oda percaya marang pe kalak siperdosa mlla perkiroh Jesus i merupaken salah satu si i kebiari, tapi lain halna mendahiken kalak sipercaya, hal en merupeken suatu hal  si ipema-pema perkirohna idi.

Terpuk jamita en mercerita ketika sisin Jesus roh mendapetken Jesus i uruk Zaitun na lako mengeranai pellin-pellin rebbak Jesus imo tersenget perkiroh Jesus pedua kaliken dekket ari kiamat.

Kade ngo ndia tanda-tanda perkiroh Jesus i sini dokken ipas terpuk en ?

1.      Mbue penyesat

Ayat 4-5 idokkn bahwa i ari podi, mbue ngo kalak roh mengaku bahwa ia ngo Raja sipaluah si tersurat i Alkitab i. Tangkas kita idah janah boi kita rasaken, bahwa i jaman bagendari nggo mo mbue nabi-nabi palsu janah bagima aliren-aliren sirembaru enggo marak terjadi i tengah-tengah pergeluhenta.  Ipas ayat en mendokkn mbue kalohon ngo penyesat siterjadi i ari podi jadi kita sipercaya mendahiken Raja Sipaluah imo Jesus kennah waspada janah ngo kita ntegguh merkepercayaen asa ulang kita murah i laling-lalingken pengajar sesat idi. Ayat 4 mendokkn kennah mermanat ngo kita ulang sanga i akkali kalak penyesat i kita.

2.      Mbue na kinipersah dekket kinipersuk

En boi kita idah imo ipas ayat 6-8 na menddokkn bahwa berita geraha dekket  bagima bangsa sisada juhap dekket bangsa sideban, janah masa keleheen dekket renur. Penganiayaan mendahiken kalak Kristen makin meningkat,janah boy ngo penganiyaaan en berdampak mendahiken kita imo memaingken kita gabe menadingken Tuhan marang pe “murtat”. Tapi tukasi pe bagi, kita na mengaku kalak sipercaya kennah ngo tong percaya mendahiken Jesus i, janah tong mo sipesakat Injil i mendahiken suberi dunia en dkkt ulang kita mbiar  mendahiken kade simasa i tengah-tegah kenggeluhenta kumerna tangkas idokken Jesus ibas ayat en karina idi kennah ngo terjadi.

            Ibas memema-mema perkiroh Jesus pedua kaliken mi dunia en kennah ngo kita mermanat janah tong percaya mendahiken Raja Sipaluah i imo Jesus Kristus, asa dapet kita rudang kenggeluhen i (mahkota kehidupan).