Lirik Buku Ende GKPPD N0 01-03

01.       Ngkasah Mo Ko TendiKu

¾. As= 1

1.  Ngkasah Mo Ko TendiKu, memoji Debatanta i. Dak i pehedu-he du kono ulang lupaken i.

I sasa ngo dosaMu i dauni sakitmi i hubung ngo kessah mu i uras tendimi ninganan i apoi ukurMu Bonek i.Asa makin panjina mernenget hukumnai.

2.  Enggo mo sakat banata hukum-na sitermurmur i kerna maseh atena-Na bai kalak si percaya i, Oda ngo i luluken banta pungur-Na i Dak makin i tuduhken mende basa-Na bage ndaaoh kesunduten nai bagi ndaoh i bakin karina dosa i,

3.  Maseh ate partua menegen parangan na i tose bagi Jahowa menegen sipercaya i; ibetoh ngo asalta, i mo i tanoh nai codi mi bangasa-bangsa tose mi bulung i, Roh kesa kaba-kaba, menter mo ngkabang i. Tose bagi ngo jelma Mate ngo dungna i.

02.  Naing Kupoji Kono Jahowa

4/4. C= 1

1.      Naing Kupoji Kono Jahowa Kumerna Ko ngo Debata tuhu i, Pasulak tendi perbadia pak aku sa kupoji gerrar mi.  Merkite-kite Jesus Anak Mi Asa lemmona temu EndengKi

2.      Togiken aku mi AnakMu/ asa pak ko i tegu ma/ Tendi-Mu sapken Mi tendingku/ menegu mi simendhe aku ma/ Asa dak tong dom dame ukurki,/ Ningan ngkasah memoji gerrar-Mi

3.      Maseh atemu Jahowa,/ ajari aku moji Gerrar-Mi./ ulang dak pellin ruap kata,/ kennah tuhu i poji ukurki./ ko Bapa, Anak, dekket tendi i, / Dosken cendher aku i lebbe Mi.

03.  Poji Jahowa Ale Tendingku

¾. As = 1

1.      Poji Jahowa Ale Tendingku Poji mo ia Debata Mi. Sidang mak kerri deng ngo bekkel ku Naing ngo kupoji basana . penempa daging tendi pe kennah i poji kalake Haleluya-Haleluya.

2.      Kalak mersanagap pe tubuh jelma/ janah laus balik mi tanoh i./ taki-taki na pe masap dungna./ Kessa i bendhut pendheban i. Mak jelma kesenagenki./ Debata ngo ketokenki Haleluya-Haleluya.

3.      Mertua kalak sinisempaten./ Jahowa Debatanta idi/ Kalak singkong merkepercayaan,/ Bai Jesus Kristus Tuhanta i./ Mula Debata dengami./ mak kurang ne rejekkimi Haleluya-Haleluya.