Jesaya 60:1-7 Advet IV

BAHAN SERMON

MINGGU ADVENT IV (Minggu Memema-mema)

Minggu, 22 Desember 2019

Jamita                        : Jesaya 60:1-7

Sinijakaen                  : Lukas 1:26-37

Tema                          : Mbincar Ngo Cuhaya Taba Kita

SOLO SOLO

            Bukku en igerrari mengekutken gerar sada kalak nabi mbellen nggeluh i Jerusalem ipas bagien peduaken i abad peualuhken tikan madeng Kristus. Pasal 56-66 en buen ngo itujuken bai bangsa sienggo balik mi Jerusalem. Perlu ngo kalak ipetok, kennah ipesaut Debata ngo padanna taba bangsa i. Teruluk ngo ibaing bakune cara pergelluh bennar janah nteger, bagi ma dekket memestaken ari Sabat, memeleken peleen dekket sodip.

Kitab Nabi Jesaya pasal 60 enda imo kelompok Trito Jesaya (55-66) bagian pemberitaan sada nabi pasca pembuangan. Kitab enda imo tersenget kata Debata sini pesakat nabi Jesaya tersenget Yehuda dekket Yerusalem. Pasal enda i nubuatken tersenget perkiroh Mesias mendahiken umatNa. Mbue kalak roh mendahi terang idi. Karina i ajak asa ibagasen terang idi dekket memancarkan kesangapenNa mendahi dunia en.

Keterangen Turpuk

Ayat 1-3 : Nabi Jesaya mendokken bahwa kegelapen sini dunia en naing i takhlukken narap terang Israel. Sudut pandangna imo pekiroh Yesus Kristus, kumerna Ia ngo terang si naing roh idi. Jemaat dekket gerejaNa naing ipancarken cuhaya idi mo cuhaya kesempurnaan dekket kelleng bagi ma kebenarenNa. I nats en nai Tuhan gabe mercuhya ibagasen kesangapen. Kesangapen Tuhan tampil bage mataniari mbincar, oda pellin memereken cahaya sambing tapi memaingken kuta idi gabe nterang janah mercuhaya. Ibagasen cuhaya Tuhan idi lot kegegohen mbincar i babo kuta idi. 

Ayat 4-5 : I ayat en menggambarken perkiroh Raja sipaluah. Jesaya mengidah kesangapen Tuhan idi roh mendahi Israel. Bangsa-bangsa sideban roh lako menjalo cuhaya dekket keluahen idi. Bangsa-bangsa idi naing merembah peleen narap kini beak kalak i nai mendahi Tuhan. Merkiteken idi mo bangsa sideban gabe mertobat, roh kalak i memeleeken karina si lot bana bagima talenta kalak i gabe peleen lias ate mendahiken Tuhan. Cuhaya idi lebih kuat daripada kegelapen, cuhaya idimo kelleng dekket basa-basa ni Tuhan.

Keke janah gabe cuhaya  Gennep kalak Kristen kenah keke janah gabe cuhaya asa karina bangsa-bangsa memakin kalak gabe tertarik asa roh mendahi Tuhan i. Gennep kita i dilo asa boi gabe terang dunia (Mateus 5:14) Cuhaya Tuhan krejo lako kipaluah karina pengisi dunia en. Lot ngo sinaing jaloenta imo pasu-pasu Tuhan mula tuhu-tuhu kita mengulaken sini dokkenNa i.

Siradum-Radumen

            Memeritaken perbuaten Tuhan imo cuhaya si roh mi dunia menjadi tugas kita asa gabe cuhaya mo kita i tengah-tengah dunia en. Lewat minggu-minggu Adven (Memema-mema Pekiroh Tuhan i) Nabi Jesaya mengajak karina asa gabe terang mendahiken dunia en. Masa-masa Advent mengenget ken kita narap janji ni Debata imo lako paluahken kita sebagai bukti kepedulian, keadilen dekket kellengNa mendahiken kita. Memeritaken perbuaten Tuhan menjadi aksi kalak sienggo menjalo cuhaya ni Tuhan. Oda pellin kiberitaken tapi naing kibagahken kade sinaing i ulaken i ari silako roh artina kipecidah mendahi dunia perbuaten Tuhan demi kemuliaen na.