Johanes 1:14-18 Advet II

BAHAN SERMON

MINGGU ADVENT II (Minggu Memema-mema)

Minggu, 8 Desember 2019

Jamita                        : Johanes 1:14-18

Sinijakaen                  : 5 Musa 18:15-19

Tema                          : Sukuten Si Menjadi Daging

SOLO SOLO

            Ibas sukuten simerandal enda, Jesus ibagahken sebage Kata ni Debata simenettap soh mi sidekkahna sienggo gabe jelma janah merrian itengah-tengahta. Bage sinibagahken ibas bukku en. Sukuten simerandal enda i suratken dekket maksud asa gennep si menjakasa ndorok mengkettoki Jesus ngo Raja sipaluah siniperbagah-bagah i. Anak Debata sendiri ngo Ia. Bagi ma merkite percaya tabSa asa terrolih kenggelluhen.

            Enggo kessa ibas solo-solona memagahken Jesus imo Kata ni Debata simenettap soh mi sidekkahna, bagian perlebbe buku en menukutken terrenget barang piga-piga kelengangen sini petupa Jesus. Kelengangen-kelengangen idi peteridahken Jesus imo Raja Sipaluah siniperbagah-bagah i, Anak ni Debata. Gennep kelengangen simasa i idengani pengerannaen Tuhan Jesus meradepken jelma i. Ibas pengeranaan idi nai ntangkas mo teridah kade sini petarar kellengangen-kellengangen idi. Ibagahken mang ngo ibas bagian en lot ngo kalak percaya taba Jesus janah gabe sisiNa, tapi lot mang ngo menulakSa janah oda ue percaya tabaSa.

            Ibas bukku en ipeterrang si Johanes ngo henjelen terrenget pemerreken, imo nggeluh situhunna janah menettap soh sidekahna, sini berreken Debata merkite Kristus. Pemerreken i enggo itebenai i dunia, janah ndorok i rasaken kalak si menjalo Jesus gabe dalam mi Debata, sipetararken Debata janah simemerreken kenggeluhen.

Perkitubuh Jesus Kristus arnia idi imo Debata na menjadi jelma: inkarnasi Jesus Kristus. Masa Adven menggambarkan kehidupan kalak Kristen dalam masa penantian, oda pellin mempernengeti kelahiranNa sambing tapi dekket lako memema perkiroh Debata peduakaliken. Mempernengeti kelahiran Jesus Kristus idokken mango i perayaan natal.

Keterangan terpuk

Ayat 14: ibagasen peristiwa kelahiran Yesus Kristus artinya bahwa Debata  naing rebak deket kita jelma. “enggo gabe jelma  kata idi janah merian itengah-tengahta”. Jesus Kristus imo kata “firman” na menjadi jelma si rebbak dekket jelma merkiteken bagidi Ia roh mihadepen jelma secara jasmaniah. 1 Johannes 1:1 “enggo ku dengkoh kami, janah i idah mata nami sendiri, enggo kutatap kami bak ijamah tangan nami”. Si oda terbatas gabe terbatas, si oda kin teridah gabe teridah, sindaoh kin gabe njolmit. Kumernaken Debata nggeut rebbak dekket jelma maka sisien Jesus mersaksi bahwa kalak i mengidah kesangapen-Na, kesangapen sinibereken taba Jesus sebagai anak tunggal ni Debata. Kesangapen artina keagungan, kewibawaan, kemegahan. Kesangapen Jesus berarti boi ma ngo keagungan pengajarenNa, kelengangen sinibain-Na, kesempurnaan dirina, kekudusan-Na, pelayannen-Na, terlebih kebangkiten dekket perkini naikna misorga  na langsung i kesaksiken sisinna. Janah kumernaken i ngo asa isurat ibagasen ayat 14 “enggo si idah kesangapenNa ni jalona” en menandaken bahwa Johannes deket sisien sideban sebagai saksi mata langsung pelayanen ni Debata i dunia en.    

Ayat 16: Ngelleng kalohon ngo atena banta, jadi dak i pasu-pasu ngo kita. Jadi kumernaken ngelleng atena mendahi dunia enda pella ngo i bereken anakna sisada sada i. jadi mella kita baca bahasa indonesiana “karena dari kepunahan-Nya kita semua telah menerima kasih karunia demi karunia”. Artina isen kalak Kristen isen iselamatken i karena oleh kasih Anugerah, oleh iman kepada Yesus, SOLA GRATIA, SOLA FIDE (Ef 2:8-9, oda ngo merkiteken pengilako mende.

Ayat 17: memang tuhu ngo merkiteken nabi Musa ngo ibereken Debata petien-petien banta, tapi merkiteken Jesus Kristus nola ngo i petarar Debata nola diriNa.

Ayat 18: I ayat en idokken, ise poda nung mengidah Debata. Kumernaken oda nung sanggup jelma mengidah kemehejien Debata.

Siradum-radumen:

Merkiteken perkiroh Debata menjadi jelma mi dunia en, berarti Debata menulusi jelma, Debata mengkelemoken asa jelma i ulang gabe mate ibas kedosaen. Jesus anak ni Debata sisada-sada i dom pasu-pasu dekket kebenaren turun narap sorga mi dunia sidom dosa i, imo na lako petuduhken  ise ngo Debata i. merkiteken perkiroh na itengah-tengah jelma, gabe njolmit mo kita mendahisa. Dok atena karina jelma keluar narap dosa idi nai, janah roh mo jelma idi mendahisa.